Moqina.Net
SAYT MENUSI!
QO'SHIMCHA MENU!
REKLAMA!
TAFIYADAGI RASMLAR!
Olimlar harakatsiz va xarajatsiz ozishning yangi usulini tavsiya qilishmoqda

1980 yildan buyon jahon miqyosida semizlikdan aziyat chekayotganlar soni ikki marotabaga oshgan. Ayni kunda Yer yuzida semirib ketganlar soni 2.1 mlrd.ni, o‘ta semizlar esa 600 mln.dan oshiqni tashkil etadi. Sayyoramizda 5 yoshgacha bo‘lgan 40 mln.dan oshiq bolalar semirish xastaligi bilan og‘riydi.

Ortiqcha vazn har doim insonlar uchun muammo bo‘lib kelgan. Undan xalos bo‘lishning turli usullari mavjud bo‘lib, asosan, parhez tutish va sport bilan muntazam shug‘ullanish lozim.

Ammo bu usullar insondan ko‘p harakat talab etadi va bir vaqtning o‘zida nihoyatda sabrli bo‘lish kerak bo‘ladi. Shu sababdan undan foydalanish uchun ko‘pchilik o‘zida iroda, hafsala topa olmaydi. Ammo, tadqiqotlar ozish uchun ortiqcha harakat va xarajatlarning hojati yo‘qligini ko‘rsatmoqda.

Ortiqcha vazn yig‘maslik uchun faqatgina nonushtani o‘tkazib yubormaslik kifoya qiladi. Aynan nonushtada yaxshilab ovqatlanib olish insonga ozishda yordam beradi. Nega deysizmi? Chunki, nonushtada qorinni yaxshilab to‘qlab olish kun davomida ochlikka chidashimiz uchun anchagina quvvat bag‘ishlaydi. Tadqiqotlar natijasida nonushtani umuman qoldirmaydigan insonlar ortiqcha vazn to‘plash bilan bog‘liq muammoga deyarli duch kelishmasligini isbotladi.

Ochlik bilan ortiqcha vazndan qutulish yaxshi samara bermaydi. Zero, uzoq vaqt och yurish salomatlik uchun jiddiy zarar yetkazishi mumkin. Tibbiy tomondan qaralganda me’da besh soatdan ortiq bo‘sh qolmasligi lozim.

Shu bilan bir qatorda jismoniy faolliksiz o‘ylangan maqsadga yetishib bo‘lmaydi. Agar sizda sport zaliga chiqib shug‘ullanishga vaqt bo‘lmasa, tushkunlikka tushmang. Harakat qilishdan to‘xtamang. Masalan, liftdan foydalanish o‘rniga yuqori qavatga zinalardan ko‘tariling. Bir kun davomida kamida 30 daqiqa jismoniy faol bo‘lish ham sizga juda katta yordam beradi.

Katta yoshli odam bir kunda 2000 – 2500 kaloriyali oziq-ovqat mahsulotlarini iste’mol qilishi va shuncha yo‘qotishi lozim. Bu narsaga alohida e’tibor bering. Makaron, gazlangan shirin ichimliklar, shirinliklarni iste’mol qilishdan iloji boricha tiyilgan ma’qul. Ovqatlanish tartibida asosan meva-sabzavot va yog‘siz go‘shtning bo‘lishi ortiqcha vazn yig‘ilmasligiga yordam beradi.

Do'stlaringizga Ham Tarqating!
- Joylandi: 19.06.2016 13:26
- Kanal: Salomatlik va Tibbiyot, Erkaklar Tibiyoti!
Izoh Qoldirish!
men semirishni istayman maslahat beringlar
Имя *:
Email *:
Код *:

waplog
waplog