ЭРКАКЛАРНИ НАЗОРАТ ҚИЛИШ КЕРАКМИ?

Бизнинг фикримизча
 
Саратон. Ошхона. Эртага меҳмондорчилик. Тортимиз куймаслиги учун газ печи ловиллаб ёниб турган ошхонадан нақ икки соат давомида чиқмаслигимизни тасаввур қилиш жуда осон. Шундай экан, суйганимизни назорат қилиш биз учун нима деган гап?!
 
Аслида, духовкага ҳар беш минутда мўраламасак ҳам пишади ўша пишириғимиз, ҳар ўн-ўн беш дақиқада эшигини очмасак, ундан-да аъло бўлади. Аммо юрак ўлгур қўярмиди...
ЭРКАКЛАРНИ НАЗОРАТ ҚИЛИШ КЕРАКМИ?
 
 
Саломатлигига эътибор қаратинг!
Зиёда МАДРАҲИМОВА, Ўзбекистонда хизмат кўрсатган артист, балетмейстер:
 
—    Эркакларни, албатта, назорат қилиб туриш керак. Масалан, эркак кишининг уст-боши, унинг қорни оч-тўқлиги, соғлигини назорат қилиш мумкин. Аммо аёл киши эрининг ишини тушунмаса, аралашиб, унинг асабини бузмагани маъқул керак. Ҳеч қайси эркакка хотинининг назорат қилиши ёқмайди. Афсуски, бугунги кунда хотининг қош-қовоғига қараб, иш қиладиган эркаклар ҳам топиляпти...
 
Бу ишни пинҳона қилган маъқул!
Зухра СОЛИЕВА, актриса:
 
—    Аёл эрини бир умр назорат қилиб юролмайди. Ақлли хотин ҳадеб эрини сўроқлайвермайди, балки ўз ташқи кўринишига жиддий эътибор беради. Ҳар куни ҳар хил кўринишда эрига ширин гапириб, яхши муомалада бўлса, доимо ожиза эканлигини кўрсатиб турса, эркак "контроль” қилинаётганини, ҳатто, сезмайди ҳам.    
МЕНГА БИРОВНИНГ НАЗОРАТИ ЁҚМАЙДИ-Ю...
Ойхон ЭШОНХОНОВА, хонанда:
 
—    Эркак кишини ҳадеб тергайверадиган бўлсангиз, у оиладан безиб қолади. Эркакни назорат қилишни бошқача йўлини топиш лозим, менимча. Эри чой ичаётган бўлсаю, хотини бошқа иш билан банд бўлса, эри бирор жойга чақирса, ҳозир палон ишимни қилиб олай, деб эрининг гапини икки қиладиган бўлса, у аёл эрини ўз ёнида ушлаб қололмайди. Масалан, мен аёл киши бўла туриб, бировнинг назорат қилишини кўтара олмайман. Эркак кишига эса назорат қилишингиз қай даражада ёқмаслигини тасаввур қилаверинг!
 
 
Ким бошини силаса...
Сайёра ҚОЗИЕВА, Ўзбекистонда Хизмат кўрсатган артист:
 
    Эркак кишини назорат қилмасангиз, ким бошини силаса кетиб қолаверади. Кейин афсусланишингиз мумкин. Ишга кетиши, келиши, қаерда, кимлар билан ўтирибди, шу ҳақда сўраб, савол-жавоб қилиб туриш керак. Эркак киши қулф бўлса, унинг калити аёлда бўлади. Эркакнинг кўнглига йўл топган ҳолда назорат қилиш мақсадга мувофиқ деб ўйлайман.
 
Ўзига инсоф берсин!
Ҳилола ҲАМИДОВА, хонанда:
 
—    Менимча, назорат қилиш керакмас. Бир сўз билан айтганда, ўзига инсоф берсин! Назорат сўзини ишлатиш қай даражада тўғри эканлигини билмайман-у, аммо эркакни аёл киши йўлга солиши исботланган факт! Буюк эркакларнинг шахсий ҳаёти билан қизиқадиган бўлсангиз, у ўз муваффақиятларига аёли орқали эришган бўлиб чиқади.
 
ЭРГА ДЎСТ, СИРДОШ БЎЛИШ КЕРАК...
Раъно ЗОКИРОВА, Ўзбекистонда хизмат кўрсатган артист:
 
—    Аёл киши иймонсиз эркакни ҳам йўлга солишни уддалайди. Агар аксинча, бир оз ахлоқи ёмон аёл бўлса, имонли одамни ҳам йўлдан уриши мумкин экан. Эрни эр қиладиган ҳам, қаро ер қиладиган ҳам хотин. Шундай экан, аёл киши эркак кишини ҳадеб сўроқлайвергандан кўра, ўз аёллик вазифаларини тўлақонли бажаришни ўйлаш керак. Эркак киши қўпол муомалани, кимдир унинг устидан назорат қилишини, сўроқ қилишини кўтара олмайди, албатта! Эркак оила бошлиғи. Ёрга ёстиқдош бўлиш баробарида, тушуниш, кўнглига йўл топиш, сирдош дўст ҳам бўлиш керак.
 
АЛЛЕРГИЯ ҚЎЗЈАТУВЧИ САВОЛЛАР
Ҳосила РАҲИМОВА, Ўзбекистонда хизмат кўрсатган артист:
 
—    Хонадони озода бўлган оиласига эркак ҳамиша талпинади. Ҳеч қачон эрга қовоқ уйиш, гап қайтариш керакмас. "Қаерда эдингиз?!”, "ким билан эдингиз”, "нега телефонингиз ўчирилган”, "фалон вақтда ишхонангизга қўнғироқ қилдим, сизни чиқиб кетган, дейишди...” каби саволларга ҳар бир эркакнинг аллергияси бўлса керак. Аввало, эркак хотинига ҳисоб беришга мажбурмас. Аёл эри билан мулоқотда ҳар доим ўз ўрнини билиб туриши лозим.
 
Фақат меҳр билан!
Гули АСАЛХЎЖАЕВА, хонанда:
 
—    Аёл эркакни назорат қилмаса бўлмайди. Аёл сўроқлаши эмас, яхши гап билан сўраши, эри ҳам аёлига бақирмаган ҳолда, шовқин суронларсиз тўғри жавоб бериши керак. Қўпол гап гапириш осон, лекин юракка қаттиқ ботганидан сўнг, узр сўраб ҳам баъзида ўша инсоннинг кўнглига йўл топиб бўлмайди. Рашк азобидан ёнаётган инсон беихтиёр ғазабига эрк беради, жаҳлини жиловлай олмай қолади. Кўнгил эса кўза. Синган кўзанинг бутлаб бўларканми?
 
Моҳичеҳра ЭШМИРЗАЕВА
 
 
Do'stlaringizga Ham Tarqating!
646 YOQDI 9 YOQMADI
- Joylandi: 21.02.2015 20:49
- Kanal: Ayollarga Maslahat!
Izoh Qoldirish!
erkak mehrni uyidan topsa uni so'roqlashni umuman keragi yuq shuni uchun shirin suz mehribon bulish kifoya
Ismingiz:
E-Mail:
Ko'd:
waplog <
Lower Reklama!
QAYTISH
BOSH SAHIFA

WEB | Copyright Design by ISLIMBEK
Design version 9.3

waplog spywap.net SAYSTAT.RU