Ko'zdan Kechirish

Ruhiy test: “Men o‘zimni sevaman”


Inson avvalo o‘zini sevib yashashi kerak, deya uqtiradi ruhshunoslar. Ammo ko‘pchilik bu xudbinlik, deydi. Aslo! O‘zni sevish va xudbinlik o‘rtasida osmon bilan yercha farq bor. O‘zini yaxshi ko‘rgan inson o‘zi istagandek hayot kechiradi. Xudbin esa boshqalarni ham o‘z istaklariga bo‘ysundirishni xohlaydi. Bugungi testimiz sizning o‘zingizga bo‘lgan muhabbatingiz darajasini belgilashingizga yordam beradi.

1.  O‘zingizni atrofdagilar bilan solishtirasizmi?  
A. “Hech qachon” —  3 ball.
B. “Ba’zida” — 2 ball.
V. “Ha, atrofdagilar bilan qanchalik o‘xshashligimni bilib turishim kerak-ku” — 1 ball.
G. “Ayniqsa, nimanidir uddalay olmasam, o‘zimni boshqalar bilan qiyoslayman” – 0 ball.

2. Nafsoniyatingizga tegish…
A. “Qiyin” – 3 ball.
B) “Hammaning ham qo‘lidan kelmaydi, biroq  uddalaganlar ham bor…” – 2 ball.
V. “Oson” – 1 ball.
G. “Juda oson” – 0 ball.

3. Atrofdagilarning sizni e’zozlashlari qanchalik ahamiyatli?
A. “To‘g‘risi, boshqalarning fikri bilan hisoblashib o‘tirmayman” – 3 ball.
B. “Ba’zida qadrimga yetishlarini istab qolaman” – 2 ball.
V. “Deyarli har doim ularning mehrini his etib turishim lozim” – 1 ball.
G. “Juda ahamiyatli-da!” – 0 ball.

4. O‘zingizni chorasiz his etasizmi?  
A. “Yo‘q, har bir masalaning yechimi bo‘ladi” —  3 ball.
B. “Ba’zida noilojlikdan tushkunlikka tushib qolaman” – 2 ball.
V. “Chorasiz vaziyatda yechim izlamaslik kerak, hammasini shunchaki vaqt hukmiga qo‘yib berish darkor” – 1 ball.
G. “To‘g‘risi, noilojlikdan doim iztirob chekaman” – 0 ball.

5. “Agar biror ish qo‘limdan kelmasligini bilsam…” 
A. “Albatta, bajarib ko‘raman, balki eplarman”  – 3 ball.
B. “Ba’zan harakat qilish uchun o‘zimda kuch topa olishim mumkin” – 2 ball.
V. “Boshlab nima ham qildim” – 1 ball.

6. Hamma ishni 110% ga bajarishga intilasizmi? 
A. “Yo‘q, bilganimcha bajaraman” – 3 ball.
B. “Gohida o‘z oldimga shunday talablar qo‘yishim mumkin” – 1 ball
V. “Har doim shu maqsadda ish boshlayman” – 0 ball.

7. Doim ham boshqalarga qulay yo‘lni tanlaysizmi?  
A. “Birinchi navbatda o‘zimga qulay bo‘lishini istayman” – 3 ball.
B. “Odatda o‘zimga yoqqan ish boshqalarga noqulaylik tug‘dirmasligiga harakat qilaman” – 2 ball.
V. “Ko‘pincha atrofdagilarga ma’qul yo‘lni tanlashga majbur bo‘laman” – 1 ball.
G. “Nima uchundir boshqalarning manfaatlarini o‘zimnikidan ustun qo‘yaman” – 0 ball.

8. Yo‘q deyishga qiynalasizmi?  
A. “Yo‘q, qiynalmayman” – 3 ball.
B. “To‘g‘ri, rad etib bo‘lmaydigan vaziyatlar ham bo‘lib turadi, ammo ko‘pincha istaklarimga qarab yo‘l tutaman” – 2 ball.
V. “Ha” – 1 ball.
G. “Juda ha, ko‘pincha shu sabab o‘z istaklarimdan voz kechaman” – 0 ball.

9. Omadingiz chopmasa, o‘zingizni aybdor his etasizmi? 
A. “Yo‘q, bundan tushkunlikka tushmayman” – 3 ball.
B. “Barini taqdirga yo‘yib qo‘ya qolaman” – 2 ball.
V. “Ha, ko‘pincha o‘zimni ayblyman” – 1 ball.
G. “Hatto men xato qilmagan bo‘lsam-da, baribir aybdorlik hisidan xalos bo‘la olmayman” – 0 ball.

10. Oxirgi paytlarda kayfiyatingiz…
A. “Juda zo‘r!”– 3 ball.
B. “Yaxshi” – 2 ball.
V. “Bahor obi-havosidek” – 1 ball.
G. “Yomon, stressni boshdan kechirayapman” – 0 ball.

Natija
23-30 ball 

Siz o‘zini yaxshi ko‘ruvchi kishilar safining oldidan o‘rin egallagansiz. Har qanday masalada o‘z fikringizni ayta olish va unga amal qilish siz uchun juda muhim. Ba’zida shu odatingiz sabab biroz noqulay vaziyatga tushib qolishingiz ham mumkin. Nima bo‘lganda ham o‘zingizni sevishingiz xudbinlikka aylanib ketmasligi uchun o‘z ustingizda ishlang.

14-22 ball 
Agar o‘zingizga tanqidiy nazar bilan boqishdan biroz tin olsangiz, yangidan-yangi qirralaringizni namoyon etish imkoniyatingiz ortadi. Demak, o‘zingizni tanqid qilishga sarflaydigan vaqtingizni yangiliklarni o‘rganishga safarbar eting, shunda ko‘proq yutuqqa erishasiz. O‘zingizga, imkoniyatlaringizga, iste’dodingizga ishoning!

0-13 ball 
Siz nima uchundir o‘zingizni umuman yaxshi ko‘rmaysiz. Ha, doim boshqalarning fikrini, xohishlarini birinchi o‘ringa qo‘yasiz. Natijada omad ham sizdan yuz o‘giradi. Bugundan o‘z ustingizda ishlashni boshlang. Nima istaysiz bu hayotdan? Maqsadlarni aniqlashtirib, ular sari dadil qadam tashlang. Xudbin bo‘lib qolaman deb qo‘rqmang. Me’yorni unutmasangiz, hammasi joyida bo‘ladi. O‘zingizni sevib yashashni o‘rganing.

Taronani do'stlaringizga Ham Tarqating!
- Joylandi: 01.09.2016 22:28
- Kanal: Sinab Ko'ramiz!, Psixologiya
Izoh Qoldirish!
Yaxshi to'g'ri chiqdi
Moqina.net ga gap yoq eng zo'r portal the best moqina.net
A L I G A R X: Tuzumi
Men Moqina.netni Sevaman Menga Juda Yoqadi Qanday Qo'shiq Izlasam Shu Portaldan Chiqadi
Ismingiz:
E-Mail:
Ko'd:
Moqina.Net » Bosh Sahifaga » Psixologiyaga » Kutubxonaga
waplog <
Lower Reklama!
QAYTISH
BOSH SAHIFA

WEB | Copyright Design by ISLIMBEK
Design version 10.01

waplog spywap.net SAYSTAT.RU