Eski Haqiqat

Добавлено: 01 Марта 2018

Dunyo eski, tashvishlar eski, 
Navqironday bu g‘amlar ko‘hna. 
Qarsak chalib topamiz taskin, 
Hayot o‘zi eski bir sahna. 

Gar pixini yorgan fuqaro 
O‘zlashtirmoq bo‘lar bugunni, 
Yecholmaslar ming yillar aro 
Sevgi degan eski tugunni. 

Kim birovni yig‘latib kular, 
Shu o‘yinlar menga qiziqmi? 
Yo o‘chirib berarmi ular 
Peshonamda turgan chiziqni? 

Faqat sira tinch qo‘ymas bir hol, 
O‘ylatadi dunyo ishlari: 
Nigohlari ma’yus majnuntol, 
Chinorlarning xo‘rsinishlari...

Behzod Fazliddin



Оставить комментарий
Email:
Код:
НАЗАД
ГЛАВНАЯ