Moqina.Net
SAYT MENUSI!
QO'SHIMCHA MENU!
REKLAMA!
TAFIYADAGI RASMLAR!
Qadrlang onangiz hayotligida
Қара, ВОЛИДАНГни оқарган сочи,
Унинг хизматида умринг хирожи.
Маккага боришга имконинг йўқми,
Тавоф қил пойини, бўласан ҲОЖИ....!

Гупурмаса қони, тош қотар юрак,
Эҳсонлар қилдим, деб кермагин кўкрак,
Нақшинкор қабртош ким учун керак..?
Қадрла ОНАНГНИ ҳаётлигида... !

Кетса, етмас узун карвонларинг ҳам,
Кўкларга уланган нарвонларинг ҳам,
Дастурхонда совир ширмонларинг ҳам,
Қадрла ОНАНГНИ ҳаётлигида... !

Йўқотганда одам тургандан тўплаб,
Яхшидир кафтидан сувларни ҳўплаб,
Юрганинг: “Онажон, бўпти, хўп-хўп”лаб,
Қадрла ОНАНГНИ ҳаётлигида...!

Тиригида энсанг қотиб турасан,
Ҳар сўзида хато, айб кўрасан,
Ўлгач, елпиғичин кўзга сурасан,
Қадрла, ОНАНГНИ ҳаётлигида... !

Қара, оҳ урмоқда қайсидир биров:
Бутун бойлигимни қўйсам-да гаров,
Онамни кўрсам,-дер,- бир лаҳза, бирров,
Қадрла ОНАНГНИ ҳаётлигида... !

Ўзидек меҳрибон бўлганинг яхши,
Қошида шод-хандон кулганинг яхши,
Йўқса, фарзанд бўлмай ўлганинг яхши,
Қадрла, ОНАНГНИ ҳаётлигида...!


Муаллиф ва ўқиётганлардан Аллоҳ рози бўлсин ...

Do'stlaringizga Ham Tarqating!
Foydalanuvchi: 2104
Joyladi: Malika
Joylandi: 2016 » Mart » 26
Malikaning boshqa statuslarini ko'rish
Имя *:
Email *:
Код *:

waplog
waplog